Pihikan ka ba?
Minsan sa buhay natin, may mga bagay-bagay na kailangan nating piliin. Gaya ng kung ano ba ang gusto mong maging ulam, GALUNGGONG ba o tilapia; kung isa ka namang estudyante saan mo ba gustong tumambay, sa SILID-AKLATAN ba o sa may dotahan; kung manunulat ka anong uri ba ng PANITIKAN ang gusto mong maging pinakatatak o di kaya naman kung isa kang modelo sigurado kang hahanapin at pipiliin mo ang pwesto na siyang magpapamalas ng iyong kagandahan sa iyong LARAWAN.
Kapag nakapili na tayo, tsaka lang natin mahiHINUHA na isa mga napili natin ay isa pa lang MALIGNOng nag-papanggap na anghel. Akala natin makabubuti ito. Pero hindi, ito pala ang unti-unting sisira sa mga gusto nating mangyari sa buhay natin. Pero sige, tanggapin natin lahat ang mga MALIGNOng gustong manira sa mga pangarap natin. Lapitan. Sayawan. Sabayan mo lang ang indak ng MALIGNOng sumasayaw sa harap natin gaya ng pag-sayaw ng SARANGOLAng nag-pupumilit lumipad para bigyang ligaya ang may hawak ng pisi nito. Kung sakaling papatayin ka ng MALIGNO. Eh di lumaban ka. Kung hindi mo na kaya, siguradong may isang BAYANIng handang tulungan ka. O kung hindi naman, may isang taong gagamot sa mga sugat at siya ring aakay sayo upang ikay muling makalipad gaya ng isang SARANGOLA.
Andami nating gustong mangyari sa buhay natin. Minsan dumarating tayo sa puntong nalilito na tayo kung ano ba ang pipiliin natin. Aling daan ba ang ating tatahakin? Minsan para tayong isang KULISAP na lumilipad na hindi mahanap ang daan patungo sa kanyang gustong puntahan. Sana may isang KAGAWARAN sa utak natin na siyang mamimili ng desisyon na hindi natin pag-sisihan o sana wala na lang tayong mapag-pipilian. Pero hindi, mas-nakakabagot pala ang buhay kung walang MALIGNOng humahabol sa atin at kung walang mga pag-pipilian.
Sige, pumili lang. Huwag mo na lang isipin kung ano ang magiging kalalabasan ng iyong mga pipiliin. Sa mga quizzes or exam, mas malaki ang chance nating pumasa kahit hindi tayo nakapag-review kung multiple choice type ito. Ganun din sa buhay mas maraming pag-pipilian, mas-masaya. Kung gusto mong tumakbo o mag-lakad ng nakayapak sa sementong sobrang init, eh di gawin mo. Sigurado namang makahahanap ka ng DAMUHANg iyong maapakan na siyang papawi sa hapding iyong nararamdaman.
Ito ay lahok sa “BAGSIK NG PANITIKAN” contest ng Damuhan.
